Bühnenanweisung

 

 

Vorwort

Am besten is, wenn ma vorher mit´nand gred hot, wei dann jeder scho woas, was er z´doa hot. 

Dann braucht´s a danach koan Streit geb´n.

=> Vorherige Abklärung zu empfehlen

 

 

Zufahrt / Abfahrt

Auf jeden Fall mias´n mir mindestens 6 Stund vorher mit die Auto´s an Veranstaltungsort fahr´n

kenna. Die Zeit brauch ma, weil mir an haufa Glump ham und beim Aufbau´n a net die schnellsten 

san. Am liabsten war´s uns, mir kannt´n glei rückwärts an´d Bühne fahr´n. Dann soll´t a der Weg 

frei sei, dass ma net scho glei an Biercontainer umrumpl´n. 

Des gleiche gilt a für´s Hoamfahr´n, dass ma halt die B´soffenen a bissel auf´d Seite schiab´d

und net glei oan zammfahrt. 

=> 6 Std. zuvor freie Zufahrt / freie Abfahrt gewährleisten

 

Strom

380V, brauch ma, mit 32A gscheid abg´sichert, net dass uns alle paar Minuten d´ Sicherungen    

naushaut. Des is ganz wichtig für´s Ausland, do hamma scho all´s mögliche derlebt.

Direkt an der Bühne, net dass ma´n erst mit´ara Kabeltrommel woas Gott wo herziagn mias´n. 

=> Netzanschluß 380V, 50Hz,32A wird benötigt

 

 

Bühne

8m breit und 6m tief muas sei. Die Broat´n brauch ma, weil wenn unser Wemser die Trommeln

anschleppt, braucht der alloa scho 3m. Z´tief derfs a net sei, weil unser Tastenquäler recht groß is und der Harry no vui grösser is. Dass er halt unter der Deckn´n no Platz hot, und net den Kopf 

ei´ziagn muß, beim Spuin. Er is a recht schwar, drum sollt eigentlich all´s recht stabil baut sei. 

Grod und sauber soll´s a sei.

Wenn ma im Frei´n spuin, soit ois überdacht sei, woast scho, wenn´s rengt.

=> 8m x 6m in stabiler Bauweise, sauberer Zustand, im Freien mit Überdachung

 

Technik / Soundcheck

 

 

A Stund vorher sollt ma Zeit kraig´n für an Sound- und Lichtcheck. Net dass ma d´Anlag eischoit´n und ois Pfeift und Kracht.

Dann is nämlich s' Geschroa scho wieder do.

=> Sound und Licht an die Saalakustik anpassen lassen

 

Bewirtung

Wenn mir ei´treffen, ham mir z´erst an rießen Duarscht. Dass ma hoit glei was z´tringa griang,

und net lang rumbettl'n mais'n. Und gscheid Essen dad ma auf jeden Fall a glei vor'm Spuin.

=> Ausreichendes Essen und Trinken im üblichen Umfang 

 

Umkleiden 

 

A gscheide Gardrob hätt ma gern, net dass ma uns wieder vor die Fans umziag´n miass´n. Weil 

d´Weiber lass´n uns dann scho wieder koa Ruha.

=> Garderobe oder Nebenraum für Umkleiden zur Verfügung stellen

 

 

Sicherheit

 

 

Der Veranstallt'r soll´t scho dafür Sorgen, dass uns net jeder, der z´vui gsuffa hot, all´s kaputt macht. 

Oder dass uns oana glei an Maßkruag naufschlag´t.

=> Leicht alkoholisierte Gäste etwas von der Bühne abhalten

 

Schlußwort

Auf jeden Fall frei´n ma uns jetz auf´n nächsten Auftritt, bis jetz hot a no immer ois basst, 

Mir gfrei´n uns auf´d Leit, und dass ma a lustige Zeit mit´nand hom.

=> Wir freuen uns jetz auf ihr nächstes Fest. Wir wünschen eine gute Unterhaltung